يااللي بعدك ضيع فكري - فتحيه خيري

يالي بعدك ضيع فكري .. ارجع لي للقلب نضمك
جنني حبك يا عمري .. حياتي في كلمة من فمك

تكلم خليني نتهنا .. سمعني نغم الاطيار
واضحك لي راني نستنى .. في ضحكك روض الازهار
قلبي حاير ما يتمنى .. غير وصلك يطفيله النار
يابنت النجمة اللي تسري .. كيف ريتك حجبت على امك

عينك كي السيف اللي جرحني .. والسحر اللي خلقو ربي
جيت نخبي الدمع فضحني .. وشرح اللي كتمو قلبي
حبك مساني وصبحني .. منو دايا ومنو كربي
قلبي ينشد فيك وصبري .. كيف ريتك حجبت على امك

متعذب هكا ترضاني .. حرام عليك تعذب فيا
متليع والبعد كواني .. جهنم توقد في جواجيا
ترضى نعدي عمري فاني .. ومتجودش بالقرب عليا
في شرعك حللتي هجري .. وشرع الحب يحرم ظلمك

نحوزك زعمة ويكمل سعدي .. ونكمد حسادي واعدايا
واللي فسد ياروح بسندي .. للصدر اللي حامل دايا
ونتهنى ونبلغ قصدي .. وننسى دموعي وننسى بكايا
ونحطك وردة على صدري .. كيف يضيق القلب نشمك

يلي بعدك ضيع فكري .. ارجع لي للقلب نضمك
جنني حبك يا عمري .. حياتي فيك كلمة من فمك.

إضافة من ليليا